Бир Дүйнө-КР адвокаттары Адам укуктары боюнча БУУ Комитетине абийир туткуну, укук коргоочу Азимжан Аскаровдун камактагы өлүмү боюнча фактынын негизинде кайрылуу даярдашууда.
Май 16.2025
Бир Дүйнө-КР адвокаттары Адам укуктары боюнча БУУ Комитетине абийир туткуну, укук коргоочу Азимжан Аскаровдун камактагы өлүмү боюнча фактынын негизинде кайрылуу даярдашууда.
17-май - белгилүү укук коргоочу, абийир туткуну Азимжан Аскаровдун туулган күнү. Биз 2010-жылдын 15-июнунан бери укук коргоочу Азимжан Аскаровдун ишинин адилеттүү каралуусун бийликтен талап кылууну улантып келүүдөбүз.
Укук коргоочу Аскаровдун абакта каза болушунун себептери?
2025-жылдын 03- февралында сот УКМК тергөөчүсүнүн аракетсиздигин кезектеги жолу мыйзамсыз деп таанып, бузууларды четтетүүгө милдеттендирген, анткени менен, соттун чечими бул ирет дагы четке кагылган.
Кылмыш иши козголгон учурдан бери адвокаттар тарабынан тергөө органдарынын системалуу аракетсиздигине байланыштуу сот органдарына жалпысынан 6дан ашуун даттануу келтирилип, канааттандырылган. Анткени менен, соттун чечимдери аткарылбай калууда жана беш жыл аралыгынан бери тергөө А.Аскаровдун өлүмү боюнча фактыны ар тараптуу жана толук кандуу тергөө жүргүзүп, жактоо келтирген жүйөөлөрдүн бардыгын териштире алган жок.
Мындан ары даттануу келтирүү маңызсыз экенин эске алуу менен жана Адам укуктары боюнча БУУ Комитетинин практикасынын негизинде Бир Дүйнө Кыргызстан Адам укуктары боюнча БУУ Комитетине даттануу жолдойт. Эске салсак, 2020-жылдын 25-июлунда КРӨ алдындагы ЖАМК мекемесинин өмүр бою эркинен ажыратылып, соттолгондорду кармоо үчүн обочолонгон участкасынын №1 палатасында Азимжан Аскаров каза болгон. Ошол эле күнү адвокат Кыргыз Республикасынын Башкы прокуроруна А.Аскаровдун өлүмгө учуроо фактысы боюнча сотко чейинки өндүрүш ишин козгоо жөнүндө арыз менен кайрылган.
2020-жылдын 25-июлунда сотко чейинки өндүрүш иши козголгон, анткени менен, Башкы прокуратура тарабынан дагы, Кыргыз Республикасынын Өкмөтүнүн алдындагы Жазаларды аткаруу мамлекеттик кызматы тарабынан дагы иш аягына чыгарылган эмес.
2021-жылдын 16-июнунда кылмыштын курамы жоктугуна байланыштуу Азимжан Аскаровдун өлүмгө учуроо фактысы боюнча сотко чейинки өндүрүштү токтотуу жөнүндө токтом адвокатка берилген. 2021-жылдын
23-августунда Свердлов райондук соту адвокаттардын даттануусун канааттандыруу жана тергөөчүнүн токтомун мыйзамсыз жана негизделбеген деп таануу жөнүндө чечим кабыл алган.
2021-жылдын
27-сентябрында Башкы Прокуратура адвокаттардын чечимин канааттандыруу жана тергөөнү Улуттук коопсуздук мамлекеттик комитетине өткөрүп берүү чечимин кабыл алган.
Азыркы учурда тергөөнү УКМК жүргүзүүдө.
“Албетте, Азимжан Аскаровдун иши Кыргызстан үчүн талылуу маселе бойдон калууда. Мен укук коргоо уюмдары, Аскаровдун үй-бүлөсү менен байланышта болуп турам. Мен Аскаровдун ишинин фабуласы анын кандайдыр бир адам өлтүрүүлөргө кайсы бир түрдө катыштыгы бар деген айыптоого туура келбейт деген ойду бир нече жолу айткам. Буга ишенүү такыр мүмкүн эмес, анын ишинде бул боюнча бир дагы факты жок. Ал кандуу окуялардын курмандыгы. Бул абдан чоң кайгы, себеби анын баасы абдан кымбат болду жана биз аны сактап кала албадык. Бирок, тарыхчылар менен тергөөчүлөр бара-бара адилеттикти калыбына келтирип, ал айыпталган жагдайдын чыныгы картинасын ачып беришет деп ишенем. Мен жеке өзүм, албетте, бул биздин мамлекетибиздин кадыр-баркына доо келтирген кара так болуп калышын каалабайм”.
