«Бир Дүйнө – Кыргызстан” Президенттин м.а. С. Жапаровдун түрмө туткундарын бошотуу жана ЖАМК системасын реформалоо боюнча демилгесин колдойт

Ноя 13.2020

Эске салсак, кечээки маалымат жыйында Президенттин милдетин аткаруучу жана Премьер-министр С.Жапаров өлкө боюнча 2 минге жакын түрмө туткундарына эркидик берүү зарылчылыгын билдирген.

Буга чейин «Бир Дүйнө – Кыргызстан” укуктук кыймыл Нельсон Манделанын принциптерине ылайык өзгөчө муктаждыктары бар адамдарды боштондукка чыгаруу маселесин бир нече ирет көтөрүп келген. Мындай практика бүткүл дүйнө боюнча колдонулуп жатат – COVID-19 пандемиясынын жайылышы токтобой жатканына байланыштуу Бириккен Улуттар Уюму коркунуч тобуна кирген адамдарды абактардан чыгарууга чакырган. Алар: бойго жете электер, аялдар, карылар, оорулуулар жана өзгөчө муктаждыктары бар башка адамдар.

Мындан тышкары,«Бир Дүйнө – Кыргызстан” Токио эрежелерин колдонууга чакырат. Ага ылайык, түрмөдө кармоонун ордуна башка альтернативалык жазаларды пайдалануу каралат.

«Бир Дүйнө – Кыргызстан”, ошондой эле, Президенттин м.а. С.Жапаровдун Кыргызстандын түрмө системасын реформалоо керек деген пикирине тилектеш. Себеби, Жазаларды аткаруу мамлекеттик кызматы адам укуктарын коргоо боюнча мамлекеттик органдар жана дегеле укук коргоочу уюмдар менен өнөктөш болуучу ачык жана достук мамиледеги социалдык институтка айланышы абзел.  

Бул максаттарга жетүү үчүн “Бир Дүйнө – Кыргызстан” төмөнкүлөрдү сунуштайт:

  • Түрмө туткундарын бошотуу үстүндө иштеген Көз карандысыз Комиссияны түзүп, анын курамына Акыйкатчы институтунун, Кыйноолорду алдын алуу улуттук борборунун өкүлдөрүн жана кесипкөй медиктерди, укук коргоочуларды жана башка эксперттерди киргизүү. Муну менен буга чейинки амнистияларда кездешкен коррупциялык көрүнүштөрдү алдын алуу мүмкүн болот;
  •  Кыргызстанда коронавирустун пандемиясына жана башка кризистерге таасир этүү жана аларды кесепетсиз ашып өтүү боюнча иш-аракеттердин Чукул Планын иштеп чыгуу;
  •  Токио эрежелерине ылайык түрмөдө кармоонун ордуна башка Альтернативаларды камсыздоо;
  •  ЖАМКнын реформасын колдоо;

Бул сунуштар жана чакырыктар 12-ноябрда өткөн маалымат жыйында Президенттин м.а. С.Жапаровго тапшырылган. Кайрылууда, ошондой эле, Н.Манделанын принциптерине ылайык эркиндикке чыгууга зарыл болгон өзгөчө муктаждыктар менен 17 адамдын тизмеси тиркелген. Бул түрмө туткундары үстүбүздөгү жылдын сентябрь айынан октябрь айына чейин Акыйкатчы институту, Кыйноолорду алдын алуу улуттук борборунун эксперттери менен абактарды кыдыруудан кийин аныкталган.

 

«Бир Дүйнө – Кыргызстан» жана өнотөштөр.

 

КЫМБАТТУУ ДОСТОР!

КЫМБАТТУУ ДОСТОР!
САЙТЫБЫЗДЫН КАДЫРМАН МЕЙМАНДАРЫ!
«Бир Дүйнө - Кыргызстан» укуктук кыймылы» коомдук бирикмеси сизден материалдык колдоо көрсөтүүнү өтүнөт!

Кайрымдуулук

Биздин сын-пикирлер

Шахбоз Латипов

Шахбоз Латипов

Юридикалык билим жөнүндө диплом тажрыйба менен тастыкталышы керек

Шахбоз Латипов 24 жашта, жаш адвокат: “Мен БДКга стажировкага келгенимде юридикалык жана укук коргоо ишмердүүлүгү боюнча тажрыйбам жок болчу. Өзүмдөн улуу тажрыйбалуу кесиптештерим менен сот процесстерине катышып, документтерди өздөштүрө баштадым. Бара-бара жетекчим Хусанбай Салиев мага документтерди даярдоону ишенип тапшыра баштады, кылдат текшерип, жөндүү кеңештерин берди. Тажрыйба убакыттын өтүшү жана эмгектенүү менен келет. Күн сайын бизге жардамга муктаж болгон ондогон адамдар келишет, алардын көбү социалдык жактан аярлуу катмардагылар: аз камсыз, көп балалуу, улгайган жарандар. Укуктук уюмдун юристине кээде психологдун функциясын аткарууга туура келет, бул жерде кесипкөйлүктү сактап, эмпатиясын билдире алышы кажет. 2019-жылдын аягында мен адвокаттык ишмердүүлүк менен алектенүү укугуна сынакты ийгиликтүү тапшырып, адвокат катары иш алып бара баштадым. Оор маселелер боюнча кесиптештериме кайрылам, алар көмөк көрсөтүшөт. Уюмдун эң күчтүү жагы ушунда: колдоо жана түшүнүү бар”.

Феруза Амадалиева

Феруза Амадалиева

Уюм аймактарды бириктирет

Феруза Амадалиева соцкызматкер, лидер педагог: “БДКнын тренингдик окуулары аймактардагы катышуучулар менен таанышууга мыкты мүмкүнчүлүк түзүп берет, биз соцтармактарда пикир алышуубузду улантабыз, иш-чараларда жолукканыбызда жакын достордой көрүшөбүз, биздин ортобузда абдан жылуу мамиле орун алган! Иш-чараларда мен өз билимимди кеңейте алдым, системалаштырдым, практика жүзүндө кантип колдонуу керектигин тастыктадым. Мага модулдар, окутуу системасы жана практика: ролдоштурулган оюндар, теория, талкуулар абдан жагат. Ар бир адам ачылат. Мен башка аярлуу айымдар үчүн лидер болууга жетиштим, аларга жардам берүүгө жана ушул сыяктуу иш-чараларга тартууга аракет кылам”. Феруза Амадалиева БДК уюштурган көптөгөн иш-чаралардын туруктуу катышуучусу, аярлуу катмардагы аялдарга укуктук кеңештерди берүү үчүн БДКнын юристтерин чакырып турат.

Нуриза Талантбек кызы

Нуриза Талантбек кызы

Өзүмдө ишенич пайда болду

Нуриза Талантбек кызы 2019-жылдын жайында даректүү тасмаларды аймактарда көрсөтүүгө активдүү катышкан, кыйноолордун курмандыктарын коргоо күнүнө арналган өнөктүктү өткөрүүдө уюштуруу иштерине жардам берген, сапарларга барган, аялдардын лидерлиги боюнча тренингдик окуулардан өткөн. Ал буга чейин мигранттык турмушту башынан кечирген, Ошто бейөкмөт уюмдардын биринде иштеген, азыркы учурда Бишкекте кызмат көрсөтүү жаатында иштейт. Тренингдик окуулардан өтүшүн ал “баа жеткис тажрыйба” деп эсептейт. “Менин мындай иш-чараларга биринчи жолу катышышым, андан мага абдан керектүү маалыматтарды алдым, бул үчүн уюштуруучуларга чын дилимден ыраазычылыгымды билдирем. Жашоомдо оор учурлар болгон, мен алган билимдеримдин артында аларды жеңе алдым, күчтөндүм! Тренингдик окуулардан кийин өзүмө ишенич жаралды, адам укугунун маңызын терең түшүнүп, өз кызыкчылыктарымды коргоого үйрөндүм”.

Шукурулло Кочкаров

Шукурулло Кочкаров

Соттолуучу каза тапты. Аны реабилитациялоо боюнча иштер жүрүп жатат.

Шукурулло Кочкаровдун иши оор иштер боюнча жумуштар уланып жатканын айкындап турат. Ал 2010-жылдагы кыйноолордон кийин майыптыкка учурады. Тагылган айыптардын бир беренеси боюнча акталууга жетишти, аны реабилитациялоо жана зыяндын ордун толтуруу үчүн кыйноолордун курмандыгы катары таануу боюнча иштер жүрүп жатат. Соттор Шукурулло Кочкаровсуз улантылууда – ал 2019-жылдын 2-августунда көз жумду. Анын кызыкчылыктарын атасы Саидазиз Кочкаров жактоодо, ал дагы көзүнүн көрүүсү боюнча майып. “Бизди көп жылдардан бери БДК кызматкерлери колдоп келе жатышат, менин уулумдун ишин алып барышууда, аны сотко алып келишти, анткени, ал өз алдынча кыймылдай албай калган, биздин үй-бүлөгө ар убакта жардам беришет: аялым экөөбүз тең реабилитациялоо курсунан өттүк, уулумду дары-дармектер менен камсыз кылууга жардам беришти, ар кандай жардамдарды көрсөтүштү”.

Дильер Джумабаев

Дильер Джумабаев

Кыйноолордон жабыр тарткандарга ар тараптуу жардам

Кара-Суу районунун тургуну Дильер Жумабаев укук коргоо органдары менен пикир алышууда чоң тажрыйбага ээ. 2010-жылы ага курал-жарактарды сактоо боюнча айып тагылган, юристтердин ишинин натыйжасында ал акталган. Эки жылдан кийин анын үйүндө экстремисттик мүнөздөгү материалдарды табуу максатын көздөгөн биринчи тинтүү жүргөн, бирок, эч нерсе табышкан эмес. 2014-жылы аны экстремисттик материалдарды сактагандыгы үчүн айыптышкан. Сотто прокурор 15 жылга эркинен ажыратууну сураган, сот 6 жылга эркинен ажыраткан. Бир нече жылдан кийин ал шарттуу-мөөнөтүнө чейин бошотулган. “Мен БДКнын квалификациялуу укуктук жардам көрсөтүшкөнү үчүн ыраазымын. Кыйноолордон жабыркагандарды реабилитациялоо курсуна катыштым. Ар кандай укук бузууларга туш келгенде ушул уюмга кайрылууну сунуш кылам”.

Партнерлор

Бардык укуктар корголгон © 2020

Сайтты иштеп чыккан: http://webformat.kg